Það er létt yfir stuðningsmönnum Tottenham þessa dagana enda liðið á toppnum í ensku úrvalsdeildinni. Hjálmar Örn Jóhansson og Ingimar Helgi Finnsson eru harðir stuðningsmenn Tottenham og þeir ræddu málin í hlaðvarpsþættinum „Enski boltinn" á Fótbolta.net í gær. Þeir eru bjartsýnir á að Tottenham geti orðið enskur meistari í vor.

„Maður lætur sig alltaf dreyma. Ég er að vona að það verði komið bóluefni í vor og ég geti flogið með Ingimari út," sagði Hjálmar Örn í þættinum í gær.

„Ég er mjög bjartsýnn á að það komi málmur í vor," sagði Ingimar. „Liverpool er liðið sem þarf að berjast þrátt fyrir að allir séu meiddir. Ég ætla að vera með Hjamma í þessu og trúa."

Í þætti gærdagsins var nánar rætt um titilbaráttuna en Hjálmar og Ingimar afskrifa báðir Manchester City í þeirri baráttu.

Hér að neðan má hlusta á þátt gærdagsins. Það eru White Fox, Viking gylltur (léttöl) og Domino's sem bjóða upp á þáttinn.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit