Roy Hodgson er nýr stjóri Watford í ensku úrvalsdeildinni en ráðningin var tilkynnt í kvöld.
Claudio Ranieri var látinn taka poka sinn hjá Watford á dögunum eftir aðeins þrjá mánuði í starfi en liðið er í fallsæti með aðeins 14 stig.
Watford hóf strax viðræður við Hodgson og var hann svo kynntur í kvöld en hann gerir samning út tímabilið.
Hann stýrði síðast Crystal Palace í ensku úrvalsdeildinni frá 2017 og til loka síðasta tímabils og gaf það út að hann væri að öllum líkindum hættur í þjálfun en er nú mættur aftur rúmlega hálfu ári síðar.
Fyrsti leikur hans með Watford verður gegn botnliði Burnley þann 5. febrúar.
Athugasemdir