Gattuso segir að það sé ekki hægt að stöðva Messi

Gattuso fær það erfiða verkefni að reyna að finna leið til að stöðva Messi, en hann segir að það sé einfaldlega ekki hægt.

„Þú getur ekki stöðvað Messi," sagði Gattuso við fjölmiðlamenn. „En leikmennirnir mínir verða að reyna."

„Við erum að spila gegn Barcelona, ekki bara Messi. Það er ekki skynsamlegt að hafa einhvern einn leikmann að dekka Messi. Við munum reyna einhverja hluti og sjá hvað gerist."

Gattuso segir að Messi sé góð fyrirmynd. „Hann er leikmaður sem krakkar eiga að fylgjast með, hann segir aldrei neitt óviðeigandi. Hann gerir bara hluti sem þú sérð í PlayStation."

Napoli kemur inn í þennan leik í góðu skapi eftir að hafa unnið sex leiki af síðustu sjö í öllum keppnum.

Það eru hins vegar vond tíðindi fyrir Napoli að Messi kemur inn í þennan leik í góðum gír eftir að hafa skorað fernu í 5-0 sigri Börsunga á Eibar í spænsku úrvalsdeildinni á laugardag.