Paul Pogba hefur spilað sinn síðasta leik fyrir Manchester United og hefur einnig sagt sitt síðasta í leikmannaspjallhóp liðsins á WhatsApp.
Leikmenn nota spjallforritið til að koma skilaboðum sín á milli en Pogba, sem hefur sagt liðsfélögum sínum að hann sé á förum í sumar, er búinn að yfirgefa hópinn.
Leikmenn nota spjallforritið til að koma skilaboðum sín á milli en Pogba, sem hefur sagt liðsfélögum sínum að hann sé á förum í sumar, er búinn að yfirgefa hópinn.
Pogba er meiddur og spilar ekki meira á tímabilinu. Að tímabilinu loknu þá rennur samningur hans út og hann mun ekki skrifa undir framlengingu.
Pogba er sagður hafa tilboð frá Real Madrid og Paris Saint-Germain og hefur einnig verið orðaður við endurkomu til Juventus.
Pogba hefur ekki staðið undir væntingum síðan United fékk hann aftur til félagsins og fyrr í þessum mánuði bauluðu stuðningsmenn liðsins á hann.
Athugasemdir