„Mér líður mjög illa. Það var óþarfi að tapa þessum leik, en svona er þetta" sagði Einar Guðnason, þjálfari Víkinga eftir 1-0 tap á heimavelli gegn Val.
Lestu um leikinn: Víkingur R. 0 - 1 Valur
Ertu óánægður út í frammistöðuna í dag?
„Við hefðum geta gert betur, að mörgu leyti. En við hefðum líka átt að skora mörk. Gleymum okkur í augnablik og þá refsa þær okkur. Þetta er eitt af þessum leikjum."
Einar segir að það hafi verið erfitt að brjóta niður vörnina hjá Val.
„Við sköpuðum ekki nóg af færum í dag, það vantaði eitthvað upp á. En á móti kemur þá vörðu Valsararnir boxið vel og voru með þéttar blokkir. Það var erfitt að brjóta þær niður. En þegar við fáum tækifæri hefðum við átt að gera betur."
Sex umferðir eru búnar af Bestu Deildinni, Víkingar hafa unnið tvo leiki og tapað fjórum. Einar var spurður hvort að hann hafi áhyggjur af stöðunni.
„Að sjálfsögðu, þetta er alls ekki nógu gott. En við þurfum að taka okkur saman og laga þetta. Stelpurnar hafa lent í þessu áður og þær náðu að rífa sig upp þá og við þurfum að gera það aftur."
Fullt viðtal í spilaranum fyrir ofan
