Arnar Hallsson hætti sem þjálfari ÍR-inga á dögunum eftir 4-3 tap liðsins gegn KFA. Hann sagði úrslitin vonbrigði og var þá vonsvikinn með að geta ekki leyst vandamál liðsins.

Hann er maðurinn sem fékk Helga Snæ frá Fjölni fyrir þetta tímabil en það voru tvær klásúlur í þeim samningi.

Ef það kæmi til þjálfaraskipta eða liðið kæmist ekki upp þá ætti hann möguleika á að rifta samningnum.

Arnar hætti sem þjálfari og gat Helgi því nýtt sér þá klásúlu og rift samningi sínum, sem og hann gerði.

Helgi spilaði sex leiki fyrir ÍR í 2. deildinni í sumar og alla þrjá leiki liðsins í Mjólkurbikarnum.