Miðjumaðurinn Joe Rothwell er genginn til liðs við Bournemouth á frjálsri sölu. Samningur hans við Blackburn rann út eftir tímabilið.
Rothwell er annar leikmaðurinn sem Bournemouth fær til sín en hægri bakvörðurinn Ryan Fredericks gekk til liðs við félagið á frjálsri sölu frá West Ham á dögunum.
Rothwell er uppalinn hjá Manchester United en náði ekki að spila leik fyrir aðallið félagsins. Hann gekk til liðs við Oxford United árið 2016 í League One og lék 69 leiki áður en hann gekk til liðs við Blackburn árið 2018.
Bournemouth staðfesti félagsskiptin í morgun en liðið birti skemmtilega færslu á Twitter með mynd af Rothwell og Fabrizio Romano sem er yfirleitt fyrstur með fréttirnar þegar leikmenn eru að skipta um félög.
Rothwell og Romano eru ótrúlega líkir í útliti.
Here we go...@FabrizioRomano 😉 pic.twitter.com/gE7cItRVYP
— AFC Bournemouth 🍒 (@afcbournemouth) June 25, 2022