Kristján Flóki framlengir við KR

Kristján Flóki er öflugur sóknarmaður sem gekk í raðir KR frá norska félaginu Start sumarið 2019.

Kristján Flóki er 28 ára gamall og missti af stærsta hluta síðasta tímabils vegna meiðsla. Hann kom við sögu í sex leikjum án þess að skora áður en úrslitakeppnin hófst. KR lék í efri hluta Bestu deildarinnar og þar skoraði Kristján tvö mörk í þremur leikjum.

Kristján Flóki er uppalinn hjá FH og var einnig á mála hjá FC Kaupmannahöfn sem táningur.

„Við óskum Flóka til hamingju með nýjan samning og hlökkum til áframhaldandi samstarfs," segir meðal annars í tilkynningu frá KR.