Ítalska félagið Napoli hefur náð samkomulagi við nígeríska framherjann Victor Osimhen sem er á mála hjá Lille í Frakklandi en helstu miðlar á Ítalíu greina frá þessu.
Osimhen, sem er 21 árs gamall, hefur átt frábært tímabil með Lille á leiktíðinni en hann hefur skorað 18 mörk og lagt upp 6 í 38 leikjum.
Hann er efstur á lista Napoli í sumarglugganum en samkvæmt ítölsku miðlunum hefur félagið þegar komist að samkomulagi við leikmanninn um kaup og kjör.
Félagið á þó eftir að semja um kaupverð við Lille en franska félagið vill 80 milljónir evra fyrir hann.
Mörg stórlið eru með augun á Osimhen sem kom frá belgíska félaginu Charleroi á síðasta ári.
Athugasemdir