Mynd: Heimasíða Reynis Sandgerði

Reynir leikur í 2. deild en Luka Jagacic þjálfari liðsins var stoltur af liðinu í leikslok.

„Það er leiðinlegt að tapa en við getum tekið mikið út úr þessum leik. Við vorum í leiknum í sextíu mínútur, við vorum ákveðnir og spiluðum sem lið, það var margt jákvætt í leiknum," sagði Luka.

 „Við þurfum að byggja ofan á þetta en auðvitað gátum við ekki haldið í við þá síðasta hálftímann, KA er með miklu meiri gæði og þeir áttu skilið að vinna, ekki spurning."

Reynir S. hefur ekki byrjað tímabilið vel en liðið er án stiga eftir fyrstu þrjá leikina í deildinni. Luka er sannfærður um að frammistaðan í dag gefi þeim kraft fyrir framhaldið.

„Maður er miklu bartsýnni, það var gott fyrir strákana að sjá að þeir geti þetta þrátt fyrir að við höfum misst alla þessa leikmenn getum við enn verið samkeppnishæfir í deildinni."