Eiður Smári: Við ætlum okkur alla leið

"Hvernig við komum inn í seinni hálfleikinn var virkilega gott og andstæða við hvernig við byrjuðum leikinn. Við ræddum það í hálfleik að þrátt fyrir að vera 2-0 yfir vildum við sjá meira og það kom strax í seinni hálfleik."

Eiður Smári hefur nú stýrt liðinu í tveimur leikjum og spilað á þónokkrum leikmönnum. 

"Við vissum að ef mögulegt væri í þessum leik myndum við vilja sjá sem flesta spila, sérstaklega þá sem við þekkjum ekki nógu vel. Það voru allir á tánum sem er gott að sjá. Við byggjum á þessu. Það er góð æfingavika framundan."

FH hefur verið í brasi í deildinni og bikarkeppnin því helsta von FH að vinna sér inn sæti í Evrópukeppni á næsta tímabili. "Það er lögð áhersla á hvern einasta leik, sama í hvaða keppni það er. En auðvitað vitum við það að þú færð ekki annan séns í bikarnum. Þar þarf að vinna leiki og við ætlum okkur alla leið"

Allt viðtalið má sjá hér að ofan.