sun 26. júní 2022 17:05
Ívan Guðjón Baldursson
Rosenior tekinn við Derby County tímabundið (Staðfest)
Mynd: Fótbolti.net - Magnús Már Einarsson

Liam Rosenior er tekinn við Derby County tímabundið eftir að Wayne Rooney sagði upp knattspyrnustjórastarfinu fyrir helgi.


Rosenior hefur verið í þjálfarateymi Derby undanfarin þrjú ár og er mikils metinn af leikmönnum liðsins. Curtis Davies, fyrirliði Derby, sagði að í hans huga kæmi enginn annar til greina heldur en Rosenior til að taka við starfinu yfir sumarið.

Fyrsta æfing sumarsins hjá Derby er á mánudaginn þar sem leikmannahópurinn býr sig undir komandi átök í ensku C-deildinni eftir fall í vor.

Rosenior er 37 ára gamall og lék meðal annars fyrir Fulham og Hull City í ensku úrvalsdeildinni.


Athugasemdir
banner
banner
banner
banner
banner