Keflavík hefur krækt í slóvensku landsliðskonuna Tinu Marolt en hún leikur sem miðjumaður.
„Tina er tæknilega góður miðjumaður með mikla reynslu á háu getustigi," skrifar umboðsmaðurinn Alberto Larrea á Instagram.
Hún er 25 ára gömul og landsliðskona í Slóveníu en síðast spilaði hún í Sviss með FC Lugano. Þar áður var hún hjá Orobica, sem er félag á Ítalíu.
Keflavík er að styrkja hóp sinn í þeirri von að forðast fall úr Pepsi Max-deildinni. Keflavík er núna í níunda sæti Pepsi Max-deildarinnar, tveimur stigum frá öruggu sæti.
Athugasemdir
