Franska félagið Paris Saint-Germain ætlar að leggja fram tilboð í Adrien Rabiot, leikmann Juventus, í janúarglugganum.
Þessi 27 ára gamli miðjumaður er uppalinn hjá Parísarfélaginu en hann yfirgaf það fyrir þremur árum og gekk í raðir Juventus á frjálsri sölu.
Þar hefur hann spilað 133 leiki og skorað 6 mörk, en ekki tekist að hjálpa liðinu að komast aftur í fremstu röð á Ítalíu.
PSG er nú reiðubúið að fá Rabiot aftur frá Juventus en félagið ætlar að leggja fram 15 milljón punda tilboð í leikmanninn.
Rabiot var orðaður við Manchester United í allt sumar en enska félagið ákvað að fá Casemiro frá Real Madrid í staðinn og varð því ekkert úr skiptunum.
Athugasemdir