Varamennirnir sem breyttu fótboltasögunni - Sjö ógleymanlegar innkomur

Það er gjarnan sagt að góðir þjálfarar geti breytt gangi leikja með réttum skiptingum og höfum við oft séð dæmi um að leikmaður komi inn af varamannabekknum og gjörbreyti leiknum. Stundum er það vegna meiðsla eða þreytu en í öðrum tilfellum tekur þjálfarinn ákveðna áhættu sem annaðhvort getur skilað sér í frábærum sigri eða kostað liðið dýrt.

Í gegnum tíðina hafa verið nokkrar skiptingar sem hafa ekki aðeins breytt úrslitum einstakra leikja heldur jafnvel haft áhrif á fótboltasöguna sjálfa. Þar má nefna úrslitaleiki heimsmeistaramóta, ótrúlegar endurkomur í Meistaradeildinni og jafnvel markvörð sem kom inn á rétt fyrir vítaspyrnukeppni.

Fótbolti.net hefur tekið saman sjö eftirminnilegar innkomur varamanna sem áttu eftir að reynast gulls ígildi fyrir sín lið.