Guardiola: Liverpool myndi vinna allar deildir í Evrópu

Raunin er þó önnur þar sem óstöðvandi lið Liverpool er með 16 stiga forystu á City og leik til góða. Liverpool er búið að vinna alla deildarleiki sína hingað til nema einn, sem lauk með jafntefli á Old Trafford.

Guardiola hefur miklar mætur á þessu gífurlega sterka Liverpool liði og segir þetta vera besta lið í heimi.

„Liverpool mun augljóslega vinna úrvalsdeildina í ár en liðið myndi vinna allar aðrar deildir í Evrópu. Með 22 sigra og 1 jafntefli eftir 23 umferðir verður þú meistari í hvaða deild sem er," sagði Guardiola.

„Ef við skoðum undanfarin ár í úrvalsdeildinni þá vann Chelsea deildina og missti af meistaradeildarsæti á næstu leiktíð. Svo vann Leicester og missti af topp fjórum ári síðar og svo gerði Chelsea það aftur. Við unnum tvö ár í röð.

„Í spænsku deildinni værum við einum eða tveimur stigum frá toppnum, sama á við um þýsku og ítölsku deildina líka. Liverpool er stórfenglegt lið og við verðum að samþykkja það og læra af því."