fös 27. janúar 2023 13:30
Guðmundur Aðalsteinn Ásgeirsson
Klopp viðurkennir að Phillips sé mögulega á förum
Nathaniel Phillips.
Nathaniel Phillips.
Mynd: Getty Images
Jurgen Klopp, stjóri Liverpool, hefur viðurkennt að varnarmaðurinn Nathaniel Phillips sé mögulega á förum áður en félagaskiptaglugginn lokar í byrjun næstu viku.

Hinn 25 ára gamli Phillips hefur aðeins spilað 66 mínútur í ensku úrvalsdeildinni á þessari leiktíð.

Hann er aftarlega í goggunarröðinni og fær líklega að fara áður en glugginn lokar ef rétt tilboð berst.

„Þetta veltur á því hvort við fáum góð tilboð," sagði Klopp við fréttamenn í dag.

Phillips fór til Bournemouth í janúar í fyrra og hjálpaði þeim að komast upp í ensku úrvalsdeildina. Hann hefur einnig farið til Stuttgart í Þýskalandi á láni en það verður fróðlegt að sjá hvað verður um hann.
Athugasemdir
banner
banner
banner