Malen, Maguire, Rashford, Greenwood, Yoro, Eriksen og fleiri góðir í slúðri dagsins
   fös 27. janúar 2023 16:14
Guðmundur Aðalsteinn Ásgeirsson
Natasha gríðarlega óheppin - Meiddist illa rétt fyrir fyrsta leik
Natasha Anasi.
Natasha Anasi.
Mynd: Fótbolti.net - Hafliði Breiðfjörð
Natasha Moraa Anasi varð á dögunum fyrir því áfalli að slíta hásin á æfingu með norska félaginu Brann.

Núna hefst langt endurhæfingarferli en þetta er afar svekkjandi fyrir Nathöshu sem er nýkomin til Noregs.

Natasha gekk til liðs við Brann í október síðastliðnum eftir að hafa spilað eitt tímabil með Breiðabliki hér á landi. Natöshu hafði leikið á Íslandi frá 2014; fyrst með ÍBV, svo með Keflavík og síðast í eina leiktíð með Breiðabliki.

Hún átti að spila sinn fyrsta leik fyrir Brann í dag en það verður að bíða betri tíma. Hún verður frá í nokkra mánuði.

„Nú skiptir mestu máli að við sjáum vel um leikmanninn og vinnum gott starf með læknateyminu okkar á æfingasvæðinu þannig að Natasha komi sterkari og betri til baka," segir íþróttastjóri Brann, Aleksander Olsen.

Natasha á að baki fimm landsleiki fyrir Ísland.
Athugasemdir
banner
banner
banner
banner