Aubameyang útskýrir fjarveru sína

Pierre-Emerick Aubameyang var fjarri góðu gamni þegar Arsenal lagði Southampton í fyrrakvöld sem og í bikarleik liðanna um síðustu helgi.

Aubameyang birti færslu á Twitter í gærkvöldi þar sem hann útskýrði fjarveru sína.

Móðir Aubameyang hefur verið að glíma við veikindi og hann var við hlið hennar þegar leikurinn fór fram á þriðjudag.

Aubameyang segir að móður hans heilsist betur og að hann sé sjálfur á leið heim til sín eftir að hafa verið á sjúkrahúsi með móður sinni.

<i>„Þakka ykkur öll - Ég er mjög heppinn að hafa fengið þennan stuðning og ást frá ykkur og ég get ekki beðið eftir að koma til baka,"</I> sagði Aubameyang meðal annars.