England: Markalaust í bragðdaufum stórleik

Manchester United og Chelsea gerðu í dag markalaust markalaust jafntefli í stórleik umferðarinnar í ensku úrvalsdeildinni, leikið var á Stamford Bridge.

Leikurinn var ekkert gífurlega mikið fyrir augað en í fyrri hálfleik kom upp mjög vafasamt atvik þar sem Callum Hudson-Odoi handlék boltann í eigin vítateig. Eftir skoðun í VAR ákvað Stuart Atwell að dæma ekki vítaspyrnu og hélt sig við sína ákvörðun á vellinum.

Í seinni hálfleik vörðu Edouard Mendy og David de Gea einu sinni virkilega vel á milli stanganna hjá sínum liðum en annars gerðist fátt markvert.

Manchester United heldur áfram að skora ekki á móti stórliðunum. United er áfram í 2. sæti deildarinnar og Chelsea er í fimmta sætinu.