Hvíti riddarinn, sem leikur í 4. deild karla, hefur styrkt sig mikið á undanförnum dögum.
Þeir Alexander Aron Davorsson, Andri Hrafn Sigurðsson og Elvar Ingi Vignisson hafa allir ákveðið að spila með félaginu í sumar.
Þetta eru reynslumiklir leikmenn sem koma til með að styrkja liðið mjög. Alexander Aron og Elvar Ingi spiluðu báðir með Aftureldingu í Lengjudeildinni síðasta sumar. Þeir eru sóknarmenn með mikla reynslu úr 1. og 2. deild.
Andri Hrafn kemur frá Þrótti Vogum þar sem hann spilaði tvo leiki í 2. deild síðasta sumar. Hann hefur lengst af spilað með Aftureldingu á ferli sínum. Hann spilaði einnig með Hvíta riddaranum í 4. deildinni síðasta sumar og er núna kominn aftur til félagsins.
Þá komu Guðjón Breki Guðmundsson, Magnús Smári Þorleifsson og Orville Magnús Secka allir frá Aftureldingu en þeir eru allir fæddir 2001. Ísak Ólason, sem er fæddur 1999, fékk þá félagskipti í Hvíta riddarann frá nágrönnunum í Álafossi.
Þungavigtarmenn skerast í hópinn💪📝
— Hvíti Riddarinn (@HvitiRiddarinn) February 26, 2021
Þessi gullna þrenna býður fram krafta sína í Hvíta Riddarann, og verður það að teljast til mikilla gleðitíðinda❕🕺 pic.twitter.com/LbjALn2e1w
Athugasemdir