Piszczek spilaði 381 keppnisleik á tíma sínum hjá Dortmund þar sem hann var ýmist notaður sem hægri bakvörður, miðvörður og hægri kantur.

Piszczek verður 36 ára í júní og kom við sögu í átján leikjum á nýliðnu keppnistímabili.

Hjá Goczalkowice ætlar hann að spila með vinum sínum úr heimabænum og sjá um unglingastarf félagsins.

„Faðir minn er varaforseti félagsins og ég ætla að sjá um unglingaakademíuna sem við settum á laggirnar 2019," sagði Piszczek meðal annars.