Crystal Palace hefur fest kaup á danska miðverðinum Joachim Andersen frá Lyon í Frakklandi.
Talið er að Palace borgi fyrir hann 22 milljónir evra og svo gætu fimm milljónir evra bæst ofan á það.
Þessi 25 ára gamli varnarmaður var á láni hjá Fulham á síðustu leiktíð og heillaði mörg félög í úrvalsdeildinni.
Patrick Vieira tók við Palace á dögunum og vildi ólmur fá Andersen en félögin hafa verið í viðræðum um kaupverð síðustu daga. Hann skrifar undir samning til 2026.
Þetta verða þriðju kaup Vieira í sumar en hann er nú þegar búinn að næla í Michael Olise frá Reading og Marc Guehi frá Chelsea.
Athugasemdir