Liverpool tapaði í gær æfingaleik gegn Red Bull Salzburg 1-0 þar sem ungstirnið Benjamin Sesko skoraði eina markið.
Jurgen Klopp stjóri Liverpool var ánægður með frammistöðu Darwin Nunez í leiknum en hann lék allan fyrri hálfleikinn.
„Flestir leikmennirnir í fyrri hálfleiknum verða að læra hratt hvað þeir eiga að gera. Darwin (Nunez) var mikið einn, það voru allir með í uppbyggingunni en stóðu alltof langt frá," sagði Klopp.
„Hann skoraði næstum því en hann þarf miklu meiri aðstoð í kringum sig til að halda öðrum leikmönnum uppteknum svo þeir einbeiti sér ekki að honum."
Næsti leikur Liverpool er gegn Manchester City um Samfélagsskjöldinn en leikurinn fer fram á King Power vellinum á sunnudaginn næstkomandi.
Athugasemdir
