Þorvaldur Örlygsson þjálfari Stjörnunnar var gríðarlega sáttur eftir öflugan 2-1 sigur gegn ríkjandi Íslandsmeisturum Vals í kvöld í 19. umferð Pepsi-Max deildar karla.
„Við erum mjög ánægðir, gott að fá þrjú stig á móti liði sem er mjög gott lið og erfitt að spila á móti en mér fannst við eiga mjög flottan fyrri hálfleik við vorum virkilega klókir og sniðugir að halda leiknum á góðum hraða, fengum góð færi og skorum frábært mark. Við fáum svo mark á okkur og þá snýst leikurinn þeim í vil og þeir pressa mikið á okkur og menn þurftu að hafa fyrir þessu en frábært mark hjá Bjössa og við klárum leikinn mjög vel," sagði Þorvaldur í viðtali eftir leik.
„Við erum mjög ánægðir, gott að fá þrjú stig á móti liði sem er mjög gott lið og erfitt að spila á móti en mér fannst við eiga mjög flottan fyrri hálfleik við vorum virkilega klókir og sniðugir að halda leiknum á góðum hraða, fengum góð færi og skorum frábært mark. Við fáum svo mark á okkur og þá snýst leikurinn þeim í vil og þeir pressa mikið á okkur og menn þurftu að hafa fyrir þessu en frábært mark hjá Bjössa og við klárum leikinn mjög vel," sagði Þorvaldur í viðtali eftir leik.
Lestu um leikinn: Valur 1 - 2 Stjarnan
Þorvaldur hlýtur að vera ánægður með seiglu liðsins í leiknum?
„Ég held bara að seigla hópsins í allt sumar hefur sínt sig, við áttum slæma byrjun og ekki náð að vinna eins marga leiki og var búist við en það er breyttur hópur en seigla hópsins er gríðarlega mikil og við erum með góða stuðningsmenn sem eru líka með mikla seiglu og hafa stutt við liðið þrátt fyrir mótlætið og það segir allt um hversu þéttur hópur er hjá Stjörnunni."
Stjörnumenn unnu báða leikina gegn Val á þessu tímabili þrátt fyrir skrítið tímabil.
„Jújú og töpum kannski sex stigum á móti liðum sem við teljum okkur eiga að vinna en við erum bara þannig lið sem getur lent í basli gegn hvaða liði sem er en við getum gefið góðum liðum góðan leik og tekið stig."
Viðtalið má sjá í heild sinni hér fyrir ofan.
Athugasemdir