Sadio Mane hóf tímabilið af krafti með Bayern Munchen en hann skoraði í Ofurbikarnum, bikarnum og þrjú mörk í fyrstu þremur leikjunum í deildinni.
Hann hefur leikið sjö leiki í deildinni og ekki skorað fleiri mörk. Hasan Salihamidzic, íþróttastjóri Bayern München segir að Mane þurfi tíma til að aðlagast Bundesligunni.
„Ég hef trú á því að hann muni gera það. Ég tala regluega við hann. Ég veit hvernig það er að vera nýr í nýju landi, í öðruvísi fótbolta kúltúr," sagði Salihamidzic.
„Það verður allt betra og við munum fljótlega sjá það á vellinum líka. Hann er einn af bestu leikmönnum heims."
Athugasemdir
