ÍH kláraði tímabilið með því að vinna Smára, 3-1, í 2. deild kvenna í gær.

Leikurinn átti upphaflega að fara fram í ágúst, en niðurstaðan var að færa um einn og hálfan mánuð.

Rakel Eva Bjarnadóttir og Nína Hildur Magnúsdóttir sáu til þess að ÍH færi með tveggja marka forystu inn í hálfleikinn, en Oliwia Bucko tókst að koma Smára aftur inn í leikinn þegar hálftími var eftir.

Þegar þrjár mínútur voru eftir gerði Emma Björt Arnarsdóttir þriðja mark ÍH og þar við sat.

Góður endir hjá ÍH sem vann ellefu leiki í sumar og hafnaði í 6. sæti, sem er töluverð bæting frá síðasta ári, en þá hafnaði liðið í næst neðsta sæti með aðeins þrjá sigra. Smári hafnaði í neðsta sæti með aðeins 4 stig.