Garth Cook, sérfræðingur á BBC, hefur valið lið vikunnar í enska boltanum en það vekur athygli að aðeins tveir leikmenn koma frá Leicester sem vann 9-0 sigur á Southampton á föstudag.
Ederson (Manchester City) - Hann varði frábærlega frá John McGinn og Douglas Luiz í 3-0 sigrinum á Aston Villa. Afar mikilvægur í rammanum.
Jamaal Lascelles (Newcastle United) - Var magnaður í jafnteflinu gegn Wolves og komst meira að segja á blað.
Harry Maguire (Manchester United) - Hefur verið mjög öflugur síðustu vikur og átti góðan dag í vörninni í 3-1 sigrinum á Norwich
Trent Alexander-Arnold (Liverpool) - Magnaðar sendingar frá honum úr bakvarðarstöðunni og hefur bætt sig með hverjum leiknum. Átti sturlaða sendingu á Sadio Mane í fyrri hálfleik.
Christian Pulisic (Chelsea) - Hefur beðið eftir tækifærinu og þegar hann fékk það þá nýtti hann það. Skoraði þrennu gegn Burnley.
Ilkay Gündogan (Manchester City) - Óaðfinnanlegur gegn Aston Villa og stýrði spilinu. Skoraði svo þriðja og síðasta markið.
Mateo Kovacic (Chelsea) - Frábær á miðjunni og klikkar varla á sendingu. Átti góðan leik gegn Burnley.
Scott McTominay (Manchester United) - Skoraði 2000. mark United og hefur spilað glimrandi vel í síðustu leikjum.
Jamie Vardy (Leicester City) - Hreint út sagt mangaður í 9-0 sigrinum á Southampton. Skoraði þrennu og hefur verið frábær. 9 mörk í 10 úrvalsdeildarleikjum á tímabilinu.
Ayoze Perez (Leicester City) - Hann skoraði þrennu eins og Vardy. Það merkilega er að þetta voru fyrstu þrjú mörkin hans á tímabilinu.
Athugasemdir