Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   lau 29. febrúar 2020 19:24
Ívan Guðjón Baldursson
Sarr fyrir leikinn: Mane er eins og stóri bróðir minn
Mynd: Getty Images
Ismaila Sarr var allt í öllu er Watford skellti Liverpool í enska boltanum í dag.

Sarr skoraði fyrstu tvö mörk leiksins og lagði það þriðja upp. Hann komst nálægt því að fullkomna þrennuna áður en honum var skipt af velli.

Fyrir leikinn var Sarr spurður út í samlanda sinn Sadio Mane hjá Liverpool, en þeir leika saman fyrir landslið Senegal.

„Mane er stóri bróðir minn og allra úr minni kynslóð. Hann er góð manneskja og við fylgjum hans fordæmi," sagði Sarr.

„Hann er alltaf að hjálpa mér og er duglegur að halda sambandi, sérstaklega á erfiðum tímum. Þegar ég var meiddur töluðum við mikið saman og gaf hann mér góð ráð."
Athugasemdir
banner
banner
banner