Sindri hefur fengið markvörðinn Joaquin Ketlun í sínar raðir fyrir átökin í 3. deild í sumar.
Ketlun er 26 ára gamall, fæddur í Argentínu en er einnig með króatískt ríkisfang.
Á ferli sínum hefur hann spilað í Möltu, á Ítalíu og í Svíþjóð. Síðast var hann á mála hjá KSF Prespa Birlik í Svíþjóð.
Sindri hafnaði í fimmta sæti 3. deildar á síðustu leiktíð en Óli Stefán Flóventsson tók við liðinu eftir tímabilið. Óli Stefán býr á Höfn í Hornafirði en hann þjálfaði Sindra með góðum árangri frá 2011 til 2014. Hann hefur undanfarin ár þjálfað Grindavík og KA.
Athugasemdir