Jói Kalli: Auðvitað er þetta á minni ábyrgð

„Svekkjandi að hafa tapað leiknum" sagði Jóhannes Karl Guðjónsson svekktur eftir tapið í kvöld.

„Mér fannst við leggja ansi mikið í leikinn og vorum bara nokkuð þéttir varnarlega og við vissum að það yrði erfitt kannski að brjóta vörn Skagamanna niður því þeir voru nokkuð þéttir til baka með vel mannaða varnarlínu" 

„Við svona hefðum kannski geta nýtt stöðurnar aðeins betur sóknarlega. Við fengum ágætis stöður að koma boltanum inn í teig en það vantaði svona herslumuninn að skapa kannski einhver dauðafæri en leikurinn var í járnum og frábærlega klárað í markinu hjá þeim en ég veit ekki, kannski var hann rangstæður ég veit ekki en það kannski skiptir ekki öllu máli" 

„Þetta féll með þeim í dag og við erum nátturlega bara gríðarlega svekktir með að hafa tapað leiknum en frammistaðan að mörgu leyti góð" 

Það hafa verið miklar gagnrýnisraddir í kringum FH á tímabilinu.

„Hún er bara réttmæt. Fólk hefur rétt á sinni skoðun og þeir sem eru á þeirri skoðun og þeir sem eru að fjalla um fótbolta hafa rétt á sinni skoðun og menn sjá þetta bara frá mismunandi sjónarhorni en við sjáum allir og öll sem erum að fylgjast með deildinni að stigasöfnunin hefur ekki verið nógu góð hjá okkur" 

„Við erum ekki ennþá búnir að vinna leik og það er ekki gott. Það er ekki jákvætt og við þurfum að halda áfram að leggja okkur fram og gera það vel en auðvitað er þetta á minni ábyrgð að ná meira út úr liðinu og halda áfram að ýta þeim þangað til að við sjáum til þess að sigrarnir falli okkur í hag en það mun taka gríðarlega vinnu og verður alveg krefjandi fyrir mig og leikmennina áfram að halda áfram að leggja hart að okkur. Dag fyrir dag, viku fyrir viku og vera klárir þegar næsti leikur eftir landsleikjaverkefnið kemur" sagði Jóhannes Karl Guðjónsson.

Nánar er rætt við Jóhannes Karl Guðjónsson í spilaranum hér fyrir ofan.