Jón Kári Eldon og Davíð Guðrúnarson spila síðari hlutann með Tindastól
Davíð Guðrúnarson, Einar Bjarni Ómarsson og Jón Kári Eldon eru allir gengnir til liðs við Tindastól í 3. deild karla. Markmiðið er skýrt, það á að bjarga liðinu frá falli.
Davíð og Einar Bjarni eru fæddir árið 1990 og Jón Kári er árinu eldri en þeir fóru saman í gegnum yngri flokkana hjá KR.
Davíð kemur frá Kórdrengjum en hann hefur einnig spilað fyrir KV, Þrótt V., Selfoss og KR.
Tindastóll fær Jón Kára frá KV. Hann spilaði síðast með liðinu í 2. deildinni árið 2017. Hann hefur áður spilað fyrir Gróttu, Hvöt og Hamar.
Einar Bjarni er þá kominn frá Kríu. Hann hefur spilað einn leik í sumar og gerði hann tvö mörk í þeim leik. Einar á leiki að baki fyrir KV, Fram og Gróttu.
Tindastóll er með 10 stig í 11. sæti þegar átta umferðir eru eftir en þetta gæti gefið liðinu neistann til að bjarga sér frá falli.
Athugasemdir
