Ajax hefur staðfest félagaskipti framherjans Mohamed Daramy frá FC Kaupmannahöfn.
Hann skrifar undir samning við 2026 við hollenska stórliðið.
Talið er að Ajax borgi danska félaginu á milli 12 og 14 milljónir evra fyrir Daramy sem getur leyst flestar stöður fremst á vellinum.
Þessi félagaskipti gætu skapað meira pláss fyrir Hákon Arnar Haraldsson, og jafnvel Orra Stein Óskarsson hjá FC Kaupmannahöfn í Danmörku.
Hákon Arnar er 18 ára gamall Skagmaður sem er hluti af aðalliðshópi FCK. Hann spilar á svipuðum stað á vellinum og Daramy. Orri Steinn er 16 ára gamall sóknarmaður sem hefur farið mikinn með unglingaliðum FCK.
Það eru alls þrír Íslendingar hjá FCK. Andri Fannar Baldursson gekk nýverið í raðir félagsins frá Bologna á láni.
Athugasemdir