Cornet er 24 ára gamall og spilar stöðu vinstri bakvarðar en hann getur einnig spilað á báðum vængjunum.

Hann hefur spilað með Lyon síðustu sex ár, spilað 252 leiki og skorað 51 mark.

Burnley lagði fram 15 milljón punda tilboð í Cornet á dögunum, sem var samþykkt og kláraði hann læknisskoðun hjá félaginu í gær áður en hann skrifaði undir fimm ára samning.

Þetta er fimmti leikmaðurinn sem Burnley fær í sumar á eftir þeim Aaron Lennon, Nathan Collins, Wayne Hennessey og Jacob Bedeau.

Cornet á 21 leik og 4 mörk fyrir landslið Fílabeinsstrandarinnar.