„Alex var okkar kostur númer eitt og ég er í skýjunum með að hafa tryggt okkur þjónustu hans með svo snöggum hætti," segir John Coates, annar af stjórnarformönnum Stoke.

Kristjaan Speakman íþróttastjóri Sunderland segir að félagið standi í þakkarskuld við Neil fyrir frábært starf og að hafa komið liðinu upp um deild.

Sunderland hafi reynt að fá Neil til að skrifa undir nýjan og endurbættan samning en hann hafi ákveðið að fara frekar til Stoke.

„Það eru okkur gríðarleg vonbrigði að hann sé farinn en við betum virðingu fyrir hans ákvörðun og óskum honum alls hins besta. Vinnan í að ráða mann í hans stað er þegar farin í gang," segir Speakman.

Roy Keane, Tony Mowbray og Shaun Dyche eru meðal þeirra sem hafa verið orðaðir við stjórastarfið hjá Sunderland.

Sunderland er í tólfta sæti Championship-deildarinnar að loknum sex umferðum en Stoke í því sautjánda.