Sádí-arabíska félagið Al-Ahli er búið að staðfesta komu Lewis Grabban á frjálsri sölu frá Nottingham Forest.
Hinn 34 ára gamli Grabban var fyrirliði Forest og bauð félagið honum nýjan samning í sumar sem sóknarmaðurinn hafnaði.
Grabban skoraði 56 mörk í 149 leikjum á fjórum árum hjá Forest og hefði aðeins fengið afar takmarkað aukahlutverk í ensku úrvalsdeildinni.
Hann kaus því frekar að flytja til Sádí-Arabíu og leiða sóknarlínu Al-Ahli.
Hinn 25 ára gamli Joe Worrall var tilkynntur sem nýr fyrirliði Forest í byrjun ágúst, eftir að Grabban rann út á samningi um mánaðamótin.
Athugasemdir