West Ham United er búið að tilkynna komu brasiíska miðjumannsins Lucas Paquetá frá Lyon.
West Ham borgar 36 milljónir punda fyrir þennan sóknarsinnaða leikmann en upphæðin getur farið alla leið upp í 51 milljón með aukagreiðslum. Paquetá verður þá dýrasti leikmaður í sögu West Ham, dýrari en Sebastien Haller sem er hjá Borussia Dortmund í dag.
Paqueta er nýbúinn að eiga 25 ára afmæli og skrifar undir fimm ára samning við Hamrana með möguleika á eins árs framlengingu. Miðjumaðurinn á sjö mörk í 33 landsleikjum með Brasilíu og hefur skorað 21 mark í 80 leikjum hjá Lyon.
Hann er áttundi leikmaðurinn sem gengur í raðir West Ham í sumar eftir Gianluca Scamacca, Nayef Aguerd, Maxwel Cornet, Emerson Palmieri, Flynn Downes, Thilo Kehrer og Alphonse Areola.
Born in Brazil, but now East London is his home.
— West Ham United (@WestHam) August 29, 2022
Bem-vindo, @LucasPaqueta97! 😍🇧🇷 pic.twitter.com/N5AaDQROPD