Byrjunarlið ÍBV og Þórs: Mætir sínum gömlu félögum - Sowe bekkjaður

Aleksandar Linta, þjálfari ÍBV, gerir þrjár breytingar frá tapinu gegn Keflavík í síðustu umferð. Omar Sowe, Felix Örn Friðriksson og Sesar Örn Harðarson taka sér sæti á bekknum og inn koma Róbert Elís Hlynsson, Eiður Atli Rúnarsson og Viggó Valgeirsson.

Sigurður Heiðar Höskuldsson, þjálfari Þórs, gerir sömuleiðis þrjár breytingar frá tapinu gegn Stjörnunni í síðustu umferð. Atli Sigurjónsson og Einar Freyr Halldórsson taka sér sæti á bekknum en Ásbjörn Líndal er ekki með í dag. Inn í liðið koma Birgir Ómar Hlynsson, sem lék á láni með ÍBV í fyrra, Vilhelm Ottó og Sigfús Fannar Gunnarsson sem skoraði sitt fyrsta mark í sumar í síðutu umferð.