Spasic og Djalo fara frá Víði

Spasic var með samning til 1. nóvember en að sögn hans gat hann ekki framlengt samninginn út mótið í 2. deild þar sem mikil óvissa er í Serbíu vegna kórónuveirunnar og landinu gæti verið lokað á næstunni.

Spasic er að ljúka sínu öðru tímabili með Víði en hann var áður á mála hjá Huginn þar sem hann fór meðal annars upp í 1. deild með liðinu.

Óvíst er hvort Spasic leiki áfram með Víði næsta sumar.

Djalo kom til Víðismanna í ágúst síðastliðnum en hann lék með Njarðvík í fyrrasumar.

Víðir er í fallsæti í 2. deildinni þegar tvær umferðir eru eftir en liðið á eftir leiki gegn Selfossi og Þrótti Vogum.