Allir iðkendur í fótbolta hjá Þór og Þór/KA munu klæðast Macron vörum næstu árin eftir að knattspyrnudeild Þórs og kvennaráð Þórs/KA gerðu fjögurra ára samning við íþróttavöruframleiðandann Macron.
Þór og Þór/KA hafa undanfarin ár klæðst Nike vörum en ákváðu að skipta yfir.
Macron er virtur framleiðandi frá Ítalíu sem er með samning við mikinn fjölda fótboltaliða, svo sem Crystal Palace og Nottingham Forest í ensku úrvalsdeildinni og Udinese og Bologna á Ítalíu.
Valur, Víkingur R., Fylkir og HK klæðast einnig Macron göllum.
Þórs og Þórs/KA vörurnar frá Macron verða fáanlegar í sportvöruversluninni Msport í Kaupangi en einnig á macronnordurland.is.
Athugasemdir
