Heimild: BBC
Chelsea og Manchester United skiptu stigunum á milli sín 1-1, Manchester City vann West Ham 2-1 í snjóbolta og Liverpool rúllaði yfir Southampton 4-0.
Arsenal vann botnlið Newcastle 2-0, Aston Villa hefur unnið báða leikina undir stjórn Steven Gerrard og lagði Crystal Palace á laugardag 2-1 og Leicester vann Watford 4-2 í skemmtilegum leik.
Brentford vann langþráðan sigur gegn Everton en markalaust var í Norwich - Wolves og Brighton - Leeds. Þá var leik Leeds og Tottenham frestað vegna snjókomu.
Arsenal vann botnlið Newcastle 2-0, Aston Villa hefur unnið báða leikina undir stjórn Steven Gerrard og lagði Crystal Palace á laugardag 2-1 og Leicester vann Watford 4-2 í skemmtilegum leik.
Brentford vann langþráðan sigur gegn Everton en markalaust var í Norwich - Wolves og Brighton - Leeds. Þá var leik Leeds og Tottenham frestað vegna snjókomu.
Garth Crooks, sérfræðingur BBC, velur úrvalslið vikunnar.
Markvörður: David de Gea (Man Utd) - Átti mikilvægar vörslur gegn toppliðinu.
Varnarmaður: Antonio Rudiger (Chelsea) - Átti virkilega öflugan leik en hefði getað reynst hetjan í blálokin þegar hann skaut yfir úr dauðafæri.
Varnarmaður: Virgil van Dijk (Liverpool) - Það eru ekki margir miðverðir sem eru færir um að skora mörk eins og það sem Van Dijk gerði gegn Dýrlingunum.
Varnarmaður: Nuno Tavares (Arsenal) - Bakvörðurinn ungi er óhræddur og átti frábæra stoðsendingu á Bukayo Saka.
Miðjumaður: Bukayo Saka (Arsenal) - Var Newcastle verulega erfiður og skoraði mjög gott mark.
Miðjumaður: Thiago Alcantara (Liverpool) - Liverpool hafði mikla yfirburði gegn Southampton og Thiago naut sín í botn.
Miðjumaður: James Maddison (Leicester City) - Mark og tvær stoðsendingar gegn Watford. Öflugur vinnudagur.
Miðjumaður: John McGinn (Aston Villa) - Skoraði hörkumark og var maður leiksins á Selhurst Park.
Sóknarmaður: Mohamed Salah (Liverpool) - Diogo Jota kemst ekki í úrvalsliðið þrátt fyrir frábæra frammistöðu, ástæðan er frammistaða Salah og Sadio Mane.
Sóknarmaður: Jamie Vardy (Leicester City) - Var í markaskónum í gær og tengdi afskaplega vel við Maddison.
Sóknarmaður: Sadio Mane (Liverpool) - Senegalinn var í sínu besta stuði og Southampton átti engin svör.
Athugasemdir
