Markvörðurinn Fannar Hafsteinsson hefur verið skráður í leikmannahópinn hjá Þór en hann hefur ekki spilað skráðan leik á KSÍ síðan í ágúst 2016.
Fannar er fæddur 1995 og á 17 leiki að baki með meistaraflokki KA.
Hann á að hjálpa til við að leysa markmannsvandræði Þórsara sem eru án Arons Birkis Stefánssonar þar til í júlí. Þá var varamarkvörðurinn Auðunn Ingi Valtýsson að meiðast á miðvikudaginn og óljóst er hvenær hann verður klár í slaginn á ný.
Þór mætir Magna í nágrannaslag í Mjólkurbikarnum í kvöld.
Fannar þótti gífurlega mikið efni á sínum tíma og lék 19 leiki fyrir yngri landslið Íslands.
Athugasemdir
