Gísli Gottskálk um fyrsta markið í Bestu: Mjög sætt, viðurkenni það

„Eftir á hyggja þá er gott að jafna þetta. Þetta er mikilvægt stig en við viljum alltaf vinna en gott að jafna þetta í lokin." Sagði Gísli Gottskálk Þórðarson leikmaður Víkinga eftir leikinn í kvöld.

Gísli Gottskálk skoraði jöfnunarmark Víkinga á 92. mínútu og viðurkenndi það að það hafi verið virkilega sætt að sjá á eftir boltanum fara í netið. 

„Það var mjög sætt, viðurkenni það. Fyrsta markið í Bestu deildinni og ég er mjög sáttur." 

Markið skoraði Gísli Gottskálk á móti uppeldisfélaginu en gaf það markinu eitthvað extra?

„Já og nei. Ég er ekkert að pæla of mikið í því núna. Það eru fimm mínútur síðan leikurinn kláraðist og ég er bara að reyna að koma mér niður og melta þetta." 

Gísli Gottskálk kom inn á sem varamaður í leiknum og fékk skilaboð frá Arnari að koma sér inn í boxið. 

„Ég held að hann hafi sagt orðrétt við mig 'komdu þér bara í boxið'. Hann sagði eftir leikinn að hann hafi verið ánægður með mig þegar ég kom hérna inn." 

Nánar er rætt við Gísla Gottskálk Þórðarson í spilaranum hér fyrir ofan.