Stoke kynnir nýtt merki - Skiptar skoðanir meðal stuðningsmanna

Stoke City hefur kynnt nýtt merki félagsins. Ef marka má viðbrögð stuðningsmanna undir færslu félagsins á samfélagsmiðlum eru skoðanirnar skiptar.

Svartsýnir stuðningsmenn segja nýja merkið keimlíkt öðrum merkjum hjá liðum í League 2 og einkennandi fyrir komandi tíma hjá félaginu.

Stoke hafnaði í 17. sæti í Championship deildinni á síðasta tímabili. Félagið hefur mikla Íslandstengingu þar sem íslenskt eignarhald var á félaginu um og upp úr aldamótum.

Þá stýrði Guðjón Þórðarson liðinu um hríð og fjölmargir íslenskir leikmenn léku fyrir félagið.