Í BEINNI - 12:00 Dregið í Mjólkurbikarinn

8-liða úrslit Mjólkurbikars karla fara fram 10. og 11. ágúst. Evrópuliðin gætu leikið sunnudaginn um verslunarmannahelgi.

Kórdrengir fá heimaleik.

HK fær heimaleik.

KA fær heimaleik.

Í 8-liða úrslitum karla eru fimm lið úr Bestu deildinni, tvö úr Lengjudeildinni og eitt úr 2. deild. Byrjað verður að draga heimalið og svo kemur fulltrúi þess félags og dregur andstæðing.

Þá förum við í 8-liða úrslit karla

Drátturinn fer þannig fram að Bogi dregur bæði heimaliðin. Svo koma fulltrúar þeirra félaga upp og "slást" um kúlurnar sem eftir eru í skálinni.

Vanda og Bogi sjá um að draga. Þau eru í sumarskapi virðist vera. Í undanúrslitum kvenna eru: Stjarnan, Selfoss, Valur, Breiðablik. Öll þessi lið hafa orðið bikarmeistarar.

Gríðarleg mæting hjá Breiðabliki á þennan drátt enda bæði með karla- og kvennaliðið í pottinum. Sýnist hafa komið rúta frá græna hluta Kópavogs á þessa athöfn.

Vanda Sigurgeirsdóttir formaður KSÍ gengur inn í salinn. Fólk er byrjað að gæða sér á veitingunum umtöluðu.

Drátturinn verður eitthvað yfir klukkan 12, veitingarnar hafa verið í forgangi hingað til og það breytist varla í dag.

Fylkisbaninn Ágúst Karel Magnússon mun fá það hlutverk að draga fyrir Ægi Þorlákshöfn ef Ægismenn fá heimaleik.

Davíð Snorri Jónasson, þjálfari U21 landsliðsins, mun fá þann heiður að taka fyrstu sneiðina af Mjólkurbikarkökunni að þessu sinni.

Veitingarnar eru komnar á borðið hér í Laugardalnum. Borðið svignar undan öllum þessum kræsingum.

Birkir Sveinsson, hinn íslenski Marchetti, er búinn að koma skálinn á borðið og það er enginn annar en Bogi Ágústsson sem sér um að draga.

Ríkjandi bikarmeistarar í karlaflokki eru Víkingar sem unnu Skagamenn 3-0 í úrslitaleiknum í fyrra. Víkingur komst í 8-liða úrslitin í ár með því að slátra Selfossi 6-0 á útivelli. Helgi Guðjónsson og Logi Tómasson skoruðu þrennur í þeim leik.

Víkingur situr í þriðja sæti Bestu deildarinnar, ellefu stigum á eftir Breiðabliki sem er á toppnum. Blikar unnu Skagamenn í 16-liða úrslitum þar sem Gísli Eyjólfsson skoraði sigurmarkið í lokin.

Bikarævintýri í Þorlákshöfn


Ægismenn frá Þorlákshöfn hafa komið á óvart á tímabilinu. Þeir eru nýliðar í 2. deild þar sem þeir eru í toppbaráttunni og þá komust þeir í 8-liða úrslitin í bikarnum með því að vinna óvæntan 1-0 sigur gegn Fylki sem lék í efstu deild í fyrra.

Stefán Ingi Sigurðarson hjá HK og Jón Gísli Ström hjá ÍR eru markahæstir í bikarkeppni karla á tímabilinu, með sex mörk hvor. ÍR-ingar féllu úr leik gegn FH í 16-liða úrslitunum.

Brenna Lovera hjá Selfossi er markahæst í bikarkeppni kvenna á þessu tímabili. Hún hefur skorað fjögur mörk.

Í banni í 8-liða úrslitum karla:
Bruno Soares, varnarmaður HK, mun taka út leikbann í 8-liða úrslitum Mjólkurbikarsins þar sem hann hefur safnað tveimur gulum spjöldum.

Þá verður Davíð Smári Lamude, þjálfari Kórdrengja, ekki á hliðarlínunni í 8-liða úrslitum þar sem hann fékk rautt þegar Kórdrengir unnu Aftureldingu í framlengdum leik í 16-liða úrslitunum.

Dagsetningar:
Undanúrslit Mjólkurbikars kvenna fara fram dagana 12. og 13. ágúst, en 8-liða úrslit Mjólkurbikars karla fara fram 10. og 11. ágúst.

Breiðablik er ríkjandi bikarmeistari í kvennaflokki eftir auðveldan 4-0 sigur gegn Þrótti í úrslitaleik í fyrra. Blikakonur eru sem stendur í öðru sæti Bestu deildar kvenna, fjórum stigum frá Val sem er á toppnum. Stjarnan er í þriðja sæti en Selfoss í því sjötta.

Velkomin með okkur í beina lýsingu frá Laugardalsvelli þar sem dregið verður í 8-liða úrslit Mjólkurbikars karla og undanúrslit Mjólkurbikars kvenna.

Liðin í pottinum í Mjólkurbikar karla

Besta deild
FH
KR
KA
Víkingur R.
Breiðablik

Lengjudeild
HK
Kórdrengir

2. deild
Ægir

Liðin í pottinum í Mjólkurbikar kvenna

Besta deild kvenna
Stjarnan
Selfoss
Valur
Breiðablik