Fimm sem hefðu getað valið aðra íþrótt

Ísland hefur alið af sér mikið af frábæru íþróttafólki en hér förum við yfir nokkra framúrskarandi íþróttamenn sem hefðu getað valið að ná langt í fleiri en einni íþróttagrein. Sumir völdu fótboltann fram yfir aðrar boltaíþróttir eins og handbolta og körfubolta, aðrir völdu að sleppa fótboltanum og fara með krafta sína annað, eða jafnvel bara að slá í gegn í öllu.

Fótbolti.net hafði samband við nokkra aðila sem tengjast þeim vel og spurði þá spjörunum úr. Þessi listi er alls ekki tæmandi enda fullt af frábæru fólki sem var framúrskarandi íþróttafólk en hér verður farið yfir nokkur góð nöfn.