Samningur hans við Watford átti að renna út eftir tímabilið en hann náði samkomulagi við félagið að rifta samningnum sínum.

Deeney lék 419 leiki og skoraði 140 mörk fyrir Watford. Hann lék aðeins 23 mínútur fyrir nýliðana í Ensku Úrvalsdeildinni á þessari leiktíð.

Hann gerir tveggja ára samning við Birmingham og gæti framlengt um eitt ár til viðbótar.

„Það er skrítið að vera beðinn um að lýsa tilfinningum mínum í garð Watford og hvernig það er að fara frá félaginu. Ég finn fyrir sorg og missi eins og að missa fjölskyldumeðlim." Sagði Troy Deeney í kveðjumyndbandi sem Watford birti á Twitter.