Þýski miðvörðurinn Malick Thiaw er búinn að skrifa undir fimm ára samning við Ítalíumeistara AC Milan.
Thiaw er nýlega orðinn 21 árs gamall og á 8 leiki að baki fyrir U21 landslið Þýskalands.
Hann kemur úr herbúðum Schalke fyrir um það bil 10 milljónir evra og á að veita Pierre Kalulu og Fikayo Tomori samkeppni um byrjunarliðssæti. Gífurlega ungir og spennandi þessir þrír miðverðir en hinn þaulreyndi Simon Kjær er einnig í hópnum ásamt Matteo Gabbia sem hefur ekki þótt nægilega góður.
Thiaw er fimmti leikmaðurinn til að ganga í raðir Milan í sumar eftir Charles De Ketelaere og Divock Origi, auk Alessandro Florenzi og Junior Messias sem voru á láni hjá félaginu á síðustu leiktíð.
Þessi miðvörður spilaði 54 leiki á tveimur árum hjá Schalke, oft með Guðlaugi Victori Pálssyni sem er núna genginn til liðs við Wayne Rooney hjá DC United í Bandaríkjunum.
Official Statement: Malick Thiaw ➡️ https://t.co/HRB54Nfwx6
— AC Milan (@acmilan) August 29, 2022
Comunicato Ufficiale: Malick Thiaw ➡️ https://t.co/6EppBpG9df #ReadyToLeaveAMark #SempreMilan pic.twitter.com/FrJk1yl5TT