Kári Árnason er ánægður að hafa náð samkomulagi við Arnar.
Við viljum vera topplið á Íslandi og að það sé í rauninni enginn tilgangur fyrir Arnar að fara annað og eins leikmenn
„Heldur betur, eitthvað sem við lögðum ríka áherslu á að ná að semja við Arnar til lengri tíma. Hann átti eitt ár eftir og við viljum halda honum eins lengi og mögulegt er. Auðvitað hef ég trú á því að á endanum komi kallið erlendis frá," sagði Kári Árnason, yfirmaður fótboltamála hjá Víkingi, við Fótbolta.net í dag.
Félagið framlengdi í dag samninginn við Arnar Gunnlaugsson, þjálfari liðsins, út tímabilið 2025.
Félagið framlengdi í dag samninginn við Arnar Gunnlaugsson, þjálfari liðsins, út tímabilið 2025.
„Við erum búnir að vera tala saman í svolítinn tíma og náðum loksins saman. Tímasetningin er góð en þetta er ekkert alveg planað."
Samningurinn er óuppsegjanlegur af beggja hálfu.
„Það var alltaf klárt frá fyrsta degi. Eftir að hafa fylgst með Arnari, hvernig hann vinnur sína vinnu - þó að úrsltin gætu kannski eitt tímabilið ekki komið þá er hann með þannig vinnuframlag að það er ekki hægt að kenna honum um mikið. Hann er að okkar mati besti þjálfari landsins og hefur heldur betur snúið öllu við hérna í kringum Víkina."
Kári ræðir einnig um mögulega áhuga á Arnari erlendis frá í framtíðinni. Væri það öðruvísi heldur en ef það kæmi áhugi frá öðru íslensku félagi?
„Já að sjálfsögðu. Við viljum vera sá klúbbur sem hann vill vera hjá. Ég held að þessi samningur endurspegli það að hann vilji vera í Víkingi en ekki í öðru liði. En ef það kemur eitthvað erlendis frá þá er skiljanlegt að metnaður manna liggi þar. Við viljum vera topplið á Íslandi og að það sé í rauninni enginn tilgangur fyrir Arnar að fara annað og eins leikmenn," sagði Kári.
Viðtalið er talsvert lengra og er Kári frekar spurður út í Arnar, spilamennsku Víkings í sumar, varnarleik liðsins og stöðu yfirmanns fótboltamála hjá KSÍ.
Athugasemdir
