Lið vikunnar í enska - Laporte, Moreno og Mane

Markvörður: Mat Ryan (Brighton) - Heldur áfram að halda hreinu og hafði nóg að gera gegn Wolves. Brighton vann 1-0.

Miðvörður: Fabian Balbuena (West Ham) - Paragvæinn skoraði og varðist hetjulega í 1-1 jafntefli gegn Leicester.

Miðvörður: David Luiz (Chelsea) - Naut sín vel í 4-0 sigri gegn Burnley og er í miklum metum hjá Sarri.

Miðvörður: Aymeric Laporte (Man City) - Maður leiksins í 1-0 sigri gegn Chelsea í stórleik umferðarinnar.

Hægri vængbakvörður: Roberto Pereyra (Watford) - Skoraði flott mark og sýndi mikla vinnusemi í 3-0 sigri gegn Huddersfield.

Miðjumaður: Luka Milivojevic (Crystal Palace) - Skoraði tvö mörk af vítapunktinum í 2-2 jafntefli gegn Arsenal.

Miðjumaður: Ross Barkley (Chelsea) - Skoraði eitt og lagði upp tvö. Er að sýna magnaða frammistöðu undir stjórn Sarri.

Vinstri vængbakvörður: Alberto Moreno (Liverpool) - Fékk óvæntan byrjunarliðsleik og stóð svo sannarlega fyrir sínu í 4-1 sigri gegn Cardiff.

Hægri vængur: Sadio Mane (Liverpool) - Tvö kröftug mörk frá Mane.

Vinstri vængur: Anthony Martial (Man Utd) - Loksins farinn að sýna hæfileika sína. Skoraði og krækti í víti í 2-1 sigri gegn Everton.

Sóknarmaður: Callum Wilson (Bournemouth) - Tvenna í öruggum sigri gegn Fulham.